१५ पुस,
काठमाडौंको पुरानो बानेश्वर-मैतीदेवी-कमलपोखरी रूटमा चल्ने टेम्पोमा एक्कासी आगो लागेको छ।
आज बिहान ७ बजेतिर बा१ह ३९६७ नम्बर गुडिरहेको टेम्पोमा आगलागी भएर क्षति पुगेको टेम्पो चालक ६२ वर्षीय राजेन्द्र बस्नेतले बताए।
टेम्पो चालक बस्नेतका अनुसार, ‘यात्रुलाई चोकमा ओरालेपछि टेम्पो लिएर म एक्लै अघि बढिरहेको थिएँ। एक्कासी झ्वाट्ट गर्यो, धुवाँ आउन थाल्यो,’ उनले भने, ‘टेम्पो रोकेर हेरेँ, आगो लागिरहेको रहेछ। पसलबाट जारको पानी ल्याएर निभाउन खोजेँ सकिनँ।’
