२१ कात्तिक, बाँके । अवैध लागूऔषध ब्राउनसुगर ६ ग्राम सहित दैलेखका रमेश सिंहलाई प्रहरीले पक्राउ गरेको छ । आइतबार राति भारतबाट नेपालतर्फ आउँदै गरेका दैलेख नौमुले गाउँपालिका२ भाबबर सैनी बस्ने २५ वर्षीय रमेश सिंहलाई उपमहानगरपालिका १५ जमुनाह चेक पोईन्टबाट अवैध लागूऔषध ब्राउनसुगर ६ ग्राम सहित प्रहरीले पक्राउ गरेको जनाएको छ ।

ईलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंजबाट खटिएको संयुक्त टोलीले भारतबाट नेपालतर्फ आउँदै गरेको उनलाई मलद्वारभित्र लुकाई छिपाई ल्याएको उक्त लागूऔषध सहित फेला पारी पक्राउ गरेको जनाएको छ ।