२० कात्तिक, बाँके । लागूऔषध ब्राउनसुगर सहित नेपालगञ्ज उपमहानगरपालिका–१५ जमुनाहबाट एक युवती पक्राउ परेकी छिन् ।

ईलाका प्रहरी कार्यालय जमुनाह र लागूऔषध नियन्त्रण ब्यूरो नेपालगञ्जबाट खटिएको संयुक्त टोलीले जाँच गर्ने क्रममा प्युठान स्वर्गद्धारी नगरपालिका–९ बस्ने २६ वर्षीया बर्षा सुनार पक्राउ परेकी हुन् ।

प्रहरीले उनको साथबाट १ ग्राम २ सय ७० मिलिग्राम ब्राउनसुगर बरामद गरेको जनाएको छ । यस सम्बन्धमा थप अनुसन्धान भइरहेको प्रहरीले जनाएको छ ।