७ कार्तिक,बाँके । अवैध लागूऔषध सहित बाँकेको ढकेरीबाट दुई जना पक्राउ परेका छन् । शनिबार राति प्रहरीले राप्तीसोनारी गाउँपालिका ९ ढकेरीबाट अवैध लागूऔषध ब्राउन सुगर जस्तो देखिने पदार्थ १४ ग्राम ५ सय मिलिग्राम सहित २ जनालाई पक्राउ गरेको छ ।

पक्राउ पर्नेहरुमा दाङ घोराही उपमहानगपालिका(१५ रतनपुर बस्ने २७ वर्षीय भरत चौधरी र तुलसीपुर उपमहानगरपालिका १८ हेमन्तपुर घर भएका २८ वर्षीय किरण तिवारी रहेको प्रहरीले जनाएको छ ।

उनीहरुलाई ईलाका प्रहरी कार्यालय कोहलपुर र अस्थायी प्रहरी बिट ढकेरीबाट खटिएको प्रहरीले रा.१ ब ८९९ नम्बरको मोटरसाइकल जाँच गर्ने क्रममा मोटरसाइकलमा सवारी उनीहरुलाई उक्त लागूऔषध सहित पक्राउ गरेको हो।