२९ साउन,
काठमाडौं उपत्यकामा मादक पदार्थ सेवन गरेर स्कुल बस चलाउने ६ जना चालकलाई कारवाही गरेको छ । आइतबार बिहान साढे ५ बजे देखि साढे ८ बजे सम्म गरिएको चेकजाँचमा चालकहरूले मापसे गरेको खुलासा भएको हो ।
पक्राउ पर्नेमा, बा३क ९३५ नम्बरको ओमेगा सेकेण्डरी स्कुल कुमारी पाटीका बस चालक इन्द्रबहादुर श्रेष्ठ , बा१क ९४५६ नम्बरको टाइम इन्टरनेशनल कलेजका बस चालक राज कुमार श्रेष्ठ र बा१क ९३५६ नम्बरको त्रियोग हाई स्कुलका बस चालक साङ्गेल शेर्पा रहेको ट्राफिक प्रहरी कार्यालय काठमाडौंले जनाएको छ।
त्यसैगरी बा८च ९३८३ नम्बरको रेडियन्ट पव्लिक स्कुलका भ्यान चालक शिवकुमार क्षेत्री, बा१८च ९८०१ नम्बरको ओरेन्ट ईष्ट मन्टेश्वरी स्कुल बल्खुका भ्यान चालक मनोज महर्जन र निटिज बोर्डिङ स्कुल कुपण्डोलका भ्यान चालक भीमसेन नेपाली रहेका छन् ।
प्रतिक्रिया
सम्बन्धित खवर
