२३ साउन,
धनगढीमा डेढ किलो चरेससहित एक सशस्त्र प्रहरीका जवान पक्राउ परेका छन्। पक्राउ परेका जवान बझाङको दुर्गाथली गाउँपालिका वडा नम्बर ४ घर भएका गणेशप्रसाद जोशी रहेको प्रहरीले जनाएको छ।

प्रहरीका अनुसार कैलालीको बनबेहडा गणमा कार्यरत सशस्त्र जवान जोशीको साथबाट डेढ किलो चरेस सहित बरामद गरी जोशीलाई धनगढीको सिटी होटलबाट प्रदेश प्रहरी र जिल्ला प्रहरीको संयुक्त टोलीले उनलाई पक्राउ गरेको हो।

उनलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय कैलालीले जनाएको छ।