२१ साउन,
काठमाडौंको कुमारीगालमा रहेको इलिक्सर एकेडेमीले आफ्नो विद्यालयबाट २०७८ सालको एसइई परीक्षामा ४ जिपिए ल्याउने विद्यार्थीलाई एक लाख रुपैयाँका दरले पुरस्कार दिने घोषणा गरेको छ । विद्यालयले एसइईमा सहभागी ४५ जना विद्यार्थीमध्ये २ जना विद्यार्थी प्रतीक पौडेल र कृतिका सिवाकोटीलाई एक लाख रुपैयाँका दरले पुरस्कृत गर्ने भएको हो ।

यस बर्षको एसइईमा देशभरबाट ४२ जना विद्यार्थीहरुले ४ जिपिए ल्याएकोमा काठमाडौं जिल्लाका १० जना विद्यार्थीमध्ये आफ्नो विद्यालयबाट दुईजना पर्न सक्नु सफलताको मापक भएको भन्दै विद्यालयले पुरस्कृत गर्ने घोषणा गरेको जनाएको छ ।

विद्यालयका अनुसार, हरेक बर्ष विद्यार्थीहरुले राम्रो नतिजा ल्याएको भन्दै पुरस्कारले विद्यार्थीमा मिहिनेत गरेपछि प्रतिफल प्राप्त हुन्छ भन्ने भावनाको विकास गराउने उदेस्य रहेको रहेको भन्दै आउँदा वर्षहरूमा पनि ४ जिपिए ल्याउने विद्यार्थीलाई एक–एक लाखको पुरस्कार प्रदान गरिने प्रतिबद्धा गरेको छ। विद्यार्थी डटकम बाट