१८ बैशाख,
कैलालीमा दुईजना विवाहित जोडी मृत फेला परेका छन्। आइतबार जिल्लाको घोडाघोडी नगरपालिका वडा नम्बर १० पहलमानपुरस्थित तुल्सीपुर सामुदायिक वनमा उनीहरू मृत अवस्थामा भेटिएको प्रहरीले जनाएको छ।

प्रहरीका अनुसार बझाङको जयपृथ्वी घर भएका २८ वर्षीय अमर जोशी र २४ वर्षीया अस्मिता सिंह मृत फेला परेका हुन्। अमरले दोस्रो विवाह गरेर गत चैतमा बझाङबाट कैलाली आएका थिए। अमर र अस्मिता केहीदिन घोडाघोडी नगरपालिका वडा नम्बर ५ मा आफन्तकहाँ बसेका थिए।

उनीहरू चैत २६ गते घरबाट घुम्न जाने भनेर निस्किएक‍ा थिए। त्यो दिनदेखि उनीहरु बेपत्ता भएका थिए। खोजतलासकै क्रममा आज उनीहरू जंगलमा मृत अवस्थामा भेटिएको बताइएको छ। घटनाबारे प्रहरीले थप अनुसन्धान भइरहेको जनाएको छ।