१ बैशाख,
सल्यान : सल्यानमा चट्याङ लागेर एकै घरका ३ जना घाइते भएका छन्। चट्याङमा एउटा गोरु र १४ वटा कुखुरा पनि मरेको प्रहरीले जनाएको छ।

प्रहरीका अनुसार, घाईते हुनेमा, कपुरकोट गाउँपालिका– ४ धनवाङ स्थित थापा टोलमा चट्याङ लागेर ६६ वर्षीय आशाराम थापा, उनकी श्रीमती ६५ वर्षीया गंगी थापा र १२ वर्षीय नाति दिनेश थापा घाइते भएका हुन्।

घरमै सुतिरहेको बेला बिहीबार बिहान करिव ३ बजेतिर उनिहरूलाई चट्याङले लागेको थियो। घाइतेहरुको उद्दार गरि उपचारको लागि दाङ पठाइएको प्रहरी चौकी कपुरकोटले जनाएको छ।