११ चैत,
दाङ : दाङको घोराही उप-महानगरपालिका वडा नं. १५ स्थित जिल्ला अदालत नजिकै रहेको पार्वती रेष्टुरेन्ट नास्ता पसलबाट खैरो हिरोईन सहित ३ जना युवालाई प्रहरीले पक्राउ गरेको छ।
पक्राउ पर्नेमा, दाङको घोराही उप-महानगरपालिका वडा नं. १५ स्थित काठेकोलमा बस्ने २८ वर्षीय बिक्रम चौधरी सोहि ठाउँका वडा नं. १७ मा बस्ने २५ वर्षीय सुनिल बि.क र वडा नं. १४ मा बस्ने २१ वर्षीय सुशिल एरी रहेको जिल्ला प्रहरी कार्यालय दाङले जनाएको छ।
प्रहरीका अनुसार, पार्वती रेष्टुरेन्ट नास्ता पसलमा लागु औषध (खैरो हिरोईन) को कारोबार गरी रहेका छन भन्ने सुचनाको आधारमा सम्बन्धित ठाउँमा प्रहरीले शंकास्पद अवस्थामा खानतलासी गर्दा बिक्रम चौधरीको खल्तीबाट रातो प्लाष्टिकको टुक्रामा १६ वटा पुडियामा रहेको १ ग्राम ५१० मिलि ग्राम लागु औषध (खैरो हिरोईन सहित तिन जनालाई फेला पारी प्रहरीले पक्राउ गरेको हो।
पक्राउ परेका बिक्रम चौधरी, सुनिल र शुशिल जना ३ जनालाई नियन्त्रणमा लिई आवश्यक थप अनुसन्धान भईरहेको दाङ प्रहरीले जनाएको छ ।
प्रतिक्रिया
सम्बन्धित खवर
