४ फागुन,
बर्दिया : बर्दियाको मधुवन नगरपालिका ९ स्थित बेलटरी गाउँमा जुवा तास खेलिरहेको अवस्थामा ६ जनालाई प्रहरीले पक्राउ गरेको छ।

पक्राउ पर्नेमा, बर्दियाको मधुवन नगरपालिका ९ मा बस्ने २९ वर्षीय विनोद चौधरी, सोहि ठाउँमा बस्ने २३ वर्षीय राजेश चौधरी, २८ वर्षीय प्रकाश चौधरी, ३१ वर्षीय मान बहादुर चौधरी, २८ वर्षीय हिमाल चौधरी र २९ वर्षीय दिलिप तामाङ्ग रहेको जिल्ला प्रहरी कार्यालय बर्दियाले जनाएको छ।

प्रहरीका अनुसार, गएराती अन्दाजी ११ बजेको समयमा जुवा तास खेलीरहेको भन्ने विषेश सूचनाको आधारमा प्रहरीले खानतलासी गर्दा बिनोद चौधरीको कुखुरा पालन गर्ने खाली रहेको गोठमा जुवा खेलिरहेको अवस्थामा फेला पारी नगद रू ४८,२८५ रुपैयाँ सहित ६ जनालाई पक्राउ गरिएको प्रहरीले जानकारी दिएको छ।

पक्राउ परेका ६ जनालाई जिल्ला प्रशासन कार्यालय बर्दियाले जुवा सम्बन्धी कसुरमा ७ दिन म्याद थप गरी थप अनुसन्धान कार्य भईरहेको प्रहरीले जनाएको छ ।