२३ माघ,
बाँके : बाँकेमा अपहरण गरी ज्यान मुद्दाका फरार भएका एक युवालाई १० बर्ष पछी प्रहरीले पक्राउ गरेको छ।
पक्राउ पर्नेमा, नेपालगंज उप-महानगरपालिका १० भृकुटीनगरमा बस्ने ३० वर्षीय सौभाग्य मल्ल रहेको बाँके प्रहरीले जनाएको छ।
प्रहरीका अनुसार, पक्राउ परेका मल्लले नेपालगंज उप-महानगरपालिका १ मा बस्ने २१ वर्षीय हिमाल बुढालाई अपहरण गरी कोठा भित्र बन्धक बनाई मारेको आरोप लागेको थियो। उनलाई ज्यानमारा मुद्दा लागि हालसम्म फरार भई गोरखा जिल्लामा लुकिछिपी वसेको भन्ने सूचानाको आधारमा बाँके प्रहरीले जिल्ला प्रहरी कार्यालय गोर्खासँग समन्वय गरेर पक्राउ गरिएको जिल्ला प्रहरी कार्यालय बाँकेका प्रमुख एसपी श्याम कृष्ण अधिकारीले जानकारी दिएका छन्।
पक्राउ परेका मल्ललाई आवश्यक कारबाहीको लागि जिल्ला अदालत बाँकेमा बुझाएको एसपी अधिकारीले बताए ।
प्रतिक्रिया
सम्बन्धित खवर
