७ माघ,
कैलालीको धनगढीमा मोबाईल पसलमा छापा हान्न गएका प्रहरीद्वारा नै मोबाईल चोरि भएको भिडियो सार्वजनिक भएको छ ।
कैलालीको धनगढीस्थित चौराहमा सञ्चालन गरिरहेको ग्लोवल मोबाइल पसलमा लागुऔषधको कारोबार भईरहेको भन्दै छापा मार्न गएका प्रहरीले नै मोबाइल चोरिरहेको भिडियो सार्वजनिक भएपछि संलग्न प्रहरीमाथी कारबाहि सुरु भएको छ । मोबाइल पसलमा छापा हान्न गएका प्रहरीले दुई वटा मोबाईल चोरेका थिए ।
प्रहरीले मोबाईल पसलको खानतलासी लिनेक्रममा मोबाईल चोरीरहेको सिसि क्यामरामा कैद भएको भिडियोमा स्पस्ट देख्न सकिन्छ । मोबाईल चोरीको भिडियो सार्बजनिक भएपछि प्रहरीले जिल्ला प्रहरी कार्यालय कैलालीमा कार्यरत एक जना हवल्दार र अर्का एक जवान हिरासतमा राखी कारबाहि अगाडी बढाएको छ ।
मोबाईल ग्यालरीका सञ्चालक सुवास रावलले भिडियो प्रमाणसहित प्रहरी कार्यालयमा निवेदन दिएपछि घटना बाहिर आएको हो । रासस
तल दिएको लिंक खोलि सिसि क्यामारामा कैद भएको भिडियो हेर्नुहोस् (भिडियो दिपक बोहराको फेसबुकबाट)
प्रतिक्रिया
सम्बन्धित खवर
