६ माघ,
बाँके। बाँकेको कोहलपुर नगरपालिका–१४ पार्वतीपुरस्थित धर्मकाटा नजिकै टिपरको ठक्करबाट एक जना युवाको मृत्यु भएको छ ।

धर्मकाटामै काम गर्ने नेपालगञ्ज उपमहानगरपालिका–७ निवासी ३५ वर्षीय त्रिलोक केसी रहेका छन्। केसीलाई गम्भीर घाइते अवस्थामा कोहलपुरस्थित नेपालगञ्ज मेडिकल कलेजमा लगिएकोमा उपचारकै क्रममा उनको मृत्यु भएको प्रहरीले जनाएको छ ।

नेपालगञ्जबाट कोहलपुरतर्फ आउँदै गरेको भे १ क १९९९ नम्बरको टिपरले बसिरहेको अवस्थामा राति ११ बजे ठक्कर दिएको हो । दुर्घटनामा संलग्न टिपरसहित चालकलाई ईलाका प्रहरी कार्यालय कोहलपुरले नियन्त्रणमा लिएको छ ।