८ पुस,
चितवनमा निर्माण भैरहेको गौतमबुद्ध अन्तर्राष्ट्रिय क्रिकेट रङ्गशालाको विद्युत् महशुल नतिरेपछि नेपाल विद्युत् प्राधिकरण भरतपुर वितरण केन्द्रले लाइन काटिएको प्राविधिकरण भरतपुरका ईन्जिनियर राजेन्द्र पौडेलले बताएका छन्।

इन्जिनियर राजेन्द्र पौडेलका अनुसार, रङ्गशालाको बक्यौता बढी भएपछि बुधबार लाइन काटेको हो। चितवनमा निर्माण भैरहेको रङ्गशालाको विद्युत् महशुल रु आठ लाख ८७ हजार पुगेको छ। यो महशुल चार महिनादेखि भुक्तानी नभएपछि लाइन काटिएको उनले बताए।

धुर्मुस सुन्तली फाउण्डेसनले निर्माणको नेतृत्व गरेको रङ्गशालामा आर्थिक अभाव भएपछि फाउण्डेसन निर्माणबाट पछि हटेको छ। फाउण्डेसनले रु १७ करोडभन्दा बढी भुक्तानी गर्न बाँकी रहेको भन्दै स्वामित्व लिइदिन भरतपुर महानगरपालिकालाई अनुरोधसमेत गरेको छ। -रासस