७ पुस,
बाँके। बाँकेमा ट्रकको ठक्करबाट मोटरसाईकल चालकको मृत्यु भएको छ। मृत्यु हुनेमा, तिलागुफा गाउँपालिका ३ कालिकोटका २९ वर्षीय कुश हमाल रहेको प्रहरीले बताएको छ।

प्रहरीका अनुसार, बाँकेको नेपालगन्जस्थित पुष्पलाल चोक नजिकै गुल्म अगाडि ना६ख २६२३ नम्वरको ट्रकले भे७प २७८१ नम्वरको मोटरसाइकललाई ठक्कर दिँदा मृत्यु भएको जनाएको छ ।

कोहलपुरबाट नेपालगन्जतर्फ आउँदै गरेको ट्रकले पुष्पलाल नजिकै मोटरसाइकललाई ठक्कर दिएको हो। मोटरसाइकल चालक हमाल गम्भीर घाइते भएका थिए उनलाई उपचारका लागि नेपालगन्जको नर्सिङ्ग होम अस्पतालमा पुर्याए लगत्तै चिकित्सकले मृत घोषणा गरेको बाँके प्रहरीले बताएको छ। ठक्कर दिने ट्रक र चालकलाई प्रहरीले नियन्यत्रणमा लिएको छ ।