१२ मङ्सिर,
बाँके । जाजरकोटमा बस दु’र्घटना हुँदा मृ’त्यु भएका पाँच जनाको सनाखत भएको छ।

मृ’त्यु हुनेमा, रुकुम पश्चिमकी ४ वर्षीया विद्या शाही, उनकी आमा चन्द्रा मल्ल शाही, जाजरकोटकी अनिला नेपाली, शेरबहादुर परियार र सप्तरीका गंगाप्रसाद यादव रहेको जिल्ला प्रहरी कार्यलय जाजरकोटले जनाएको छ।

नेपालगन्जबाट जाजरकोटको राडिबजार जाँदै गरेको को ना ७ ख २७५७ नम्बरको रात्रि बस गएराति २ बजे कुदु बराहचौक नजिकै दुर्घटना हुँदा ५ जनाको घटनास्थलमै मृत्यु भएको थियो।

प्रहरीका अनुसार बसमा ३२ यात्रु सवार रहेका थिए। घाइते २७ जनाको जिल्ला अस्पताल जाजरकोटमा उपचार भइरहेको जनाएको छ।