१३ कात्तिक,
बाँके। बाँकेको कोहलपुरस्थित सागर गेष्ट हाउसबाट चितुवाको छाला र हड्डीसहित ३ जनालाई प्रहरीले पक्राउ गरेको छ।

पक्राउ पर्नेमा, बाँकेको राप्ती सोनारी गाउपालिका वार्ड नं ९ ढकेरी बस्ने ३५ वर्षीय हिरा सिङ बि.क, सुर्खेतका पंचपुरी नगरपालिका वार्ड नं ७ बस्ने २४ वर्षीय रमेश वयक र सोहि ठाउँमा बस्ने २८ वर्षीय बसन्त बि.सी रहेको ईलाका प्रहरी कार्यालय कोहलपुरका प्रमुख डिएसपी रविन्द्र खनालले जानकारी दिएका छन्।

डिएसपी खनालका अनुसार, कात्तिक १२ गते अन्दाजी ७:५० बजेको समयमा कोहलपुरको सागर गेष्ट हाउसमा चितुवाको छाला १ थान र १ किलो ४० ग्राम हड्डीको ओसार पसार भई रहेको भन्ने विशेष सूचनाको आधारमा ईलाका प्रहरी कार्यालय कोहलपुरबाट खटिएको प्रहरीले टोलिले फेला पारि प्रक्राउ गरिएको बताए।

पक्राउ परेका ३ जनालाई नियन्त्रणमा लिई आवश्यक थप अनुसन्धान भईरहेको कोहलपुरका प्रहरी प्रमुख डिएसपी रबिद्र खनालले जानकारी दिएका छन्।