२५ असोज,
अछाममा जन्ती बोकेको जिप दुर्घटना हुँदा तीन जनाको मृत्यु भएको छ, भने १६ जना गम्भीर घाइते भएका छन्। पञ्चदेवल विनायक नगरपालिका–१ कुइकामा आइतबार राति दुर्घटना भएको जिल्ला प्रहरी कार्यालय अछामले जनाएको छ।

मृत्यु हुनेमा पञ्चदेवल विनायक–२ का १४ वर्षीय जीवन न्यौपाने, १८ वर्षीयका सर्व बोहरा र वडा नम्बर ३ का १७ वर्षीय जीवन जैसी रहेको प्रहरीले बताएको छ

घाइते १६ जनामध्ये १४ जनाको जिल्ला अस्पताल अछाममा उपचार भैरहेको छ भने दुईजनालाई नेपालगञ्ज लगिएको छ। पञ्चदेवल विनायक–२ का मदन धामी र उपिन्द्र शाहीलाई नेपालगन्ज लगिएको छ।

से १ च १७६३ नम्बरको बोलेरो जिप सडकबाट करिब ३०० मिटर तल खसेको छ।

अछाम दुर्घटना अपडेट : मृतकको संख्या चार पुग्यो