२० असोज,
बाँके । कोहलपुर ग्यालरीद्वारा आयोजित विजयादशमी तथा दिपावली एवंम छटपर्वको शुभकामना आदानप्रदान कार्यक्रम सप्पन्न भएको छ ।

आज बुधबार यस कार्यक्रमलाई कोहलपुर नगरपालिका नगर प्रमुख लुट बहादुर रावत द्वारा उद्घघाटन गरिएको कोहलपुर ग्यालरीका अध्यक्ष सरोज राज शाहिले बाँगेश्वरी खबरलाई जानकारी दिएका छन् ।

शाहिका अनुसार, कोहलपुर नगरपालिका वडा न.११ का अध्यक्ष कर्ण ब. थापा, कोहलपुर उद्योग वाणिज्य संघका अध्यक्ष लक्ष्मण राज पौडेल, लायन्स कलब अफ कोहलपुर कस्तुरीका अध्यक्ष संगीत सुवेदी, रेडक्रस उपशाखाका प्रमुख लाल ब.राना, समाजका अध्यक्ष गौरिकान्त आचार्य, र कोहलपुर वडा.न.१० का अध्यक्ष निम ब.चलाउने लगाएत सम्पुर्णको बिशेष अतिथिमा आजको कार्यक्रम सम्पन्न गरिएको हो ।

यद्यपी यस कार्यक्रम कोहलपुर ग्यालरिका पदाधिकारी, विभिन्न न्युज मेडियाका पत्रकारहरुको समेत उपस्थिति रहेको बताए ।

कोहलपुर ग्यालरीका अध्यक्ष सरोज राज शाहि भन्छन्, “विगत लामो समय देखि सामाजिक कार्यमा सक्रिय कोहलपुर ग्यालरिले समाजका विभिन्न क्षेत्रमा देखिएका समस्याहरु निराकरण गर्न अग्रणी भूमिका खेल्दै आएको साथै यूवाहरुलाई सामाजिक क्षेत्रमा अग्रसर हुन उत्प्रेरित समेत गराएको बताएका छन् ।”

यसैगरी, कोहलपुर ग्यालरीद्वारा नै आयोजित गरिएको फोटो कन्टेष्ट २०७८ मा गोर्खा युनाइटेड पब्लिक स्कुलकी छात्रा निन्जा थापा मगर बिजेता भएकी छन् । उनलाई “Winner of Kohalpur Gallery Photo Contest” टाइटलको प्रमाण पत्र हस्तान्तरण गरिएको कोहलपुर ग्यालरीका अध्यक्ष सरोज राज शाही जानकारी दिएका छन् । अध्यक्ष शाहिले निन्जा थापा मगरलाई आगामी दिनमा थप सफलता र उज्ज्वल भविस्यको शुभकामना समेत दिएका छन् ।