२० भदौ,

बाँकेको कोहलपुरमा आफूलाई नेपाल प्रहरीको केन्द्रीय अनुसन्धान ब्यूरो (सीआईबी) को प्रहरी निरीक्षक (इन्सपेक्टर) हो भन्दै विभिन्न संघसंस्था र व्यवसायीलाई धम्क्याएको आरोपमा ईलाका प्रहरी कार्यालय कोहलपुरले एक जनालाई पक्राउ गरेको छ ।

पक्राउ पर्नेमा, जिल्ला सल्यान घरभई दार्माकोट–२ का ३२ वर्षीय दिपेन्द्र रोकायालाई पक्राउ गरिएको प्रहरीले जनाएको छ । उनीमाथि थप अनुसन्धान एवम् आवश्यक कारबाही प्रक्रिया अघि बढाइएको प्रहरीले जानकारी दिएको छ ।

त्यसैगरी यता, बर्दियाको गुलरिया नगरपालिका–११ स्थित भित्री सडकबाट ३ ग्राम ८ सय मिलिग्राम अवैध लागूऔषधसहित एक जनालाई प्रहरीले पक्राउ गरेको छ ।

पक्राउ पर्नेमा, जिल्लाको बाँसगढी नगरपालिका–९ बस्ने २५ वर्षीय हरिबहादुर थापा रहेको जिल्ला प्रहरी कार्यालय बर्दियाले जानकारी दिएको छ।

प्रहरीका अनुसार, थापाले चलाएको बा ६८ प ५५६७ नम्बरको मोटरसाइकल चेक जाँच गर्नेक्रममा उक्त मोटरसाइकलमा लागूऔषधसहित फेला पारेको प्रहरीले जनाइएको छ । उनीमाथि लागूऔषध सम्बन्धी मुद्दामा आवश्यक थप अनुसन्धान भइरहेको जनाएको छ ।