३ भदौ,

सल्यानमा झण्डै ५० प्रतिशत घरधुरी बिद्युतको पहुँच बाहिर रहेका छन् । जिल्लालाई नै पूर्णरुपमा बिद्युतिकरण गर्ने लक्ष्य सहित काम अगाडी बढाए पनि हाल सम्म ५० प्रतिशत घरधुरी अझै बिद्युतको पहुँच बाहिर रहेको नेपाल बिद्युत प्राधिकरण सल्यान वितरण केन्द्र खलंगाले जानकारी दिएको छ।

प्राधिकरणका अनुसार, हालसम्म जिल्लाका ४९ दशमलव ६ प्रतिशतमा बिद्युत पुगेको बताएका छन् । बिद्युतको पहुँच बाहिर रहेका घरधुरीहरुलाई पनि बिद्युतको पहुँचमा ल्याउने उद्धेश्यका साथ धमाधम काम भैरहेको नेपाल बिद्युत प्राधिकरण सल्यान वितरण केन्द्रका सुचना अधिकारी पार्थिव राज न्यौपानेले जानकारी दिए ।

उनका अनुसार, पछिल्लो समय जिल्लामा बिद्युतिकरणका लागी धमाधम रुपमा काम भैरहेको छ भने जिल्लाभर बिद्युतिकरणका लागी करिब ७५ प्रतिशत संरचना निर्माण गरिएको छ । केन्द्रका अनुसार जिल्लाका दश स्थानिय तह मध्ये सबैभन्दा धेरै शारदा नगरपालिकामा बिद्युतिकरण गरिएको छ भने सबै भन्दा कम कामिमाटी गाउपालिकाका बिद्युतिकरण गरिएको छ । शारदा नगरपालिकामा ८८ प्रतिशत बढी घरधुरीमा बिद्यतिकरण गरिएको छ ।

यसैगरी, सबैभन्दा कम कालिमाटी गाउपालिकामा २१ प्रतिशत बिद्युतिकरण गरिएको छ । यस्तै त्रिबेणी गाउपालिकामा ८६ प्रतिशत, छत्रेश्वरी गाउपालिका ७३ प्रतिशत, कपुरकोट गाउपालिकामा ६१ प्रतिशत बिद्युतिकरण गरिएको छ । यस्तै सिद्ध कुमाख गाउपालिकामा ४७ प्रतिशत, बागचौर नगरपालिकामा ३७ प्रतिशत, बनगाड कुपिण्डे नगरपालिकामा ३० प्रतिशत, कुमाख गाउपालिकामा २५ प्रतिशत र दार्मा गाउपालिकामा २२ प्रतिशत बिद्युतिकरण गरिएको छ ।

‘जिल्लामा बिद्युतिकरणका लागी अहिले धमाधम रुपमा संरचना निर्माण भैरहेका छन्, केन्द्र, प्रदेश र स्थानिय तहहरुले पनि बिद्युतको लागी धेरै वजेट विनियोजन गरेका छन्, यही स्केलमा वजेट विनियोजन भएमा अबको केही बर्षमा नै पूरै जिल्ला बिद्युत्तिकरण हुन्छ’ सुचना अधिकारी न्यौपानेले भने । उनले बिकासका अन्य संरचना निर्माण भन्दा बिद्युतिकरण गर्न केही समय लाग्ने गरेको बताए ।

बिद्युत प्राधिकरणका अनुसार जिल्लामा आर्थिक बर्ष २०७७।०७८ मा ३ हजार ४ सय ८८ नयाँ ग्राहक थपिएका छन् । यसअघि जिल्लामा १२ हजार ६ सय १७ ग्राहक रहेका थिए । अहिले बढेर १६ हजार १ सय ५ पुगेको कार्यालयले जनाएको छ । यस्तै एक बर्षको अवधिमा ४ करोड ७२ लाख १९ हजार ६ सय ८ रुपैँया राजस्व संकलन गरेको छ ।

गत आर्थिक बर्ष २०७६/०७७ मा केन्द्रले ४ करोड ३३ लाख रुपैँया राजस्व संकलन गरेको थियो । यस्तै जिल्लामा बिद्युत चुहावट झण्डै १३ प्रतिशत रहेको नेपाल बिद्युत प्राधिकरण सल्यान वितरण केन्द्रले जनाएको छ ।

सामाचार : सल्यान टुडे डटकम