१ भदौ,
काठमाडौँ । अफगानिस्ताको अमेरिकी दूतावासमा कार्यरत रहेका नेपालीहरु मंगलवार नेपाल आइपुगेका छन् ।
तालिबानले सत्ता कब्जा गरेपछि अमेरिकाले आफ्नो दूतावासमा कार्यरत सबै कर्मचारीहरुलाई उद्दार गरेको छ। सोहि क्रममा नेपालीहरुलाई पनि उद्धार गरेर कतारको दोहा पुर्याइएको हो ।
उनीहरुमध्ये ११८ नेपाली कुबेत हुँदै मंगलबार विहान काठमाडौं आइपुगेका हुन् । दुई वर्षदेखि काबुलस्थित अमेरिकी दूतावासमा कार्यरत लालबहादुर पुनका अनुसार त्यहाँ मात्र करिव ५०० नेपाली कार्यरत रहेका थिए ।
उनीहरु सबै सुरक्षित रहेको भन्दै उनले भने, ‘अमेरिकाले नै उद्दार गरेर दोहा पुर्यायो । अहिले कुबेत हुँदै पठाएको हो।’
सबै नेपालीहरु सुरक्षित रुपमा नै नेपाल आइपुगेको बताएका छन् । उनीहरुको आग्रह छ, अवैधानिक रुपमा अफगानिस्तान पुगेका र अनौपचारिक क्षेत्रमा कार्यरत सबै नेपालीहरुको पनि छिटो सरकारले उद्दार गरोस् ।
प्रतिक्रिया
सम्बन्धित खवर
