२० फागुन,
बाँके : कपिलवस्तुमा बनिरहेको रिफ्रेस सेन्टरको सेफ्टी ट्यांकीमा महिलाको शव फेला परेको छ। कपिलवस्तुको शिवराज नगरपालिका-५ चन्द्रौटामा महिलाको शव भेटिएको वडा प्रहरी कार्यालय चन्द्रौटाले जनाएको छ।

प्रहरीका अनुसार, उक्त शव खेलिरहेका बालबालिकाले देखेपछि प्रहरीलाई खबर गरेका थिए। महिलाको शवको पहिचान गर्न नसकिएको र हत्याको आशंका गरिएको छ। साथै दुर्गन्धित क्षेत्र रहेकाले शवको पहिचान हुन नसकेकाले घटनाबारे थप अनुसन्धान भईरहेको प्रहरीले जनाएको छ।